ჟურნალ Monthly Notices of the Royal Astronomical Society-ის აპრილის ნომერში გამოქვეყნებულ სტატიაში კორნელის უნივერსიტეტის მკვლევარები ამტკიცებენ, რომ ჩვენთან უახლოეს ეგზოპლანეტებზე ამჟამად მიმდინარეობს სიცოცხლის ჩასახვის პროცესი.

ზონდი Hayabusa2-ის მისია ასტეროიდ Ryugu-ზე წარმატებით გრძელდება. 2019 წლის 5 აპრილს პატარა ჭურვის გამოყენებით მან შექმნა ხელოვნური კრატერი ასტეროიდზე. მისიის მიზანია შეაგროვოს აფეთქებისას ამოტყორცნილი მასალა და მოახდინოს მისი დედამიწაზე ტრანსპორტირება.

ჟურნალ Space Weather-ში გამოქვეყნდა სტატია, თუ როგორ ვიწინასწარმეტყველოთ დედამიწის ხელოვნური თანამგზავრებისთვის სახიფათო მაღალი ენერგიების ნაწილაკების განაწილება დედამიწის გარე რადიაციული სარტყელში.

2019 წლის 10 აპრილს მსოფლიომ პირველად იხილა შავი ხვრელის არა-ილუსტრირებული ფოტო. შავი ხვრელის ფოტოზე აღბეჭდვა პროექტ Event Horizon Telescope-ის დახმარებით მოხერხდა.

Cassini-ს მონაცემებზე დაყრდნობით ასტრონომებმა დაადგინეს, რომ სატურნის ბირთვი უფრო სწრაფად ბრუნავს ვიდრე აქამდე ეგონათ, დღე-ღამის ხანგრძლივობა აღმოჩნდა მხოლოდ 10 საათი, 33 წუთი და 38 წამი.

Nature-ს აპრილის ნომერში გამოქვეყნებულ სტატიაში საერთაშორისო მკვლევართა ჯგუფმა დაადო შეზღუდვა სტივენ ჰოკინგის თეორიას ფარული მატერიის შესახებ. შედეგების თანახმად ფარული მატერია არ შეიძლება შედგებოდეს ე. წ. პირველადი შავი ხვრელებისგან, რომელთა ზომა მილიმეტრის მეათედზე მცირეა.

NASA-ს ვებ-გვერდზე 2019 წლის მარტში განთავსდა ინფორმაცია, რომ კოსმოსური ტელესკოპების Hubble (NASA) და Gaia (ESA) ბოლო მონაცემებზე დაყრდნობით მოხდა ჩვენი გალაქტიკის მასის დაზუსტება.

ჟურნალ Geochimica et Cosmochimica Acta-ს ბოლო ნომერში მეცნიერების საერთაშორისო ჯგუფმა გამოაქვეყნა სტატია, რომლის თანახმად მთვარის ბირთვისა და მანტიის გარდამავალი ფენის ტემპერატურა 1300 - 1470 გრადუს ცელსიუსის დიაპაზონშია.

ხმის ტალღები ჩვეულებრივად ყველა მიმართულებით ერთნაირად ვრცელდება და მათზე სინათლე გავლენას ვერ ახდენს. ჟურნალ Nature-ის აპრილის ნომერში გამოქვეყნებული სტატიის თანახმად, მეცნიერების საერთაშორისო ჯგუფი იელის უნივერსიტეტში (აშშ) ჩატარებულ ექსპერიმენტებში დააკვირდნენ ზემოთ ხსენებული პრინციპიდან გამონაკლის შემთხვევას.

ახალი ტექნოლოგია, რომელსაც შეუძლია ლაზერით აღგზნებული ოთახის ტემპერატურის ორთქლის ტერაჰერცული რადიაციის გადაყვანა ხილულ სხივებში შექმნეს დურჰამის უნივერსიტეტში (დიდი ბრიტანეთი). სისტემა საშუალებას გვაძლევს სწრაფად მივიღოთ გამოსახულება ჩვეულებრივი მაღალი სიჩქარის კამერების გამოყენებით და გავაუმჯობესოთ ტექნოლოგიები რომლებიც მუშაობენ ტერაჰერცულ სიხშირეებზე.