დღეს, 2 ოქტომბერს, გამოცხადდა, რომ 2018 წლის ნობელის პრემია ფიზიკაში მიენიჭათ არტურ ეშკინს (აშშ), ოპტიკური პინცეტის დამზადებისთვის და მისი ბიოლოგიაში გამოყენებისთვის და ჟერარ მურუს (საფრანგეთი) და დონა სთრიქლენდს (კანადა), მაღალი ინტენსივობის ულტრა-მოკლე ოპტიკური იმპულსების გენერაციის მეთოდის შექმნისთვის.

2018 წლის 31 აგვისტოს ვენაში დასრულებულმა საერთაშორისო ასტრონომიული კავშირის XXX გენერალურმა ანსამბლეამ მიიღო გადაწყვეტილება, რომ ჰაბლის კანონს სამყაროს გაფართოების შესახებ, ბელგიელი ასტრონომის ჟორჟ ლამეტრის დამსახურებების აღსანიშნავად, დაერქვას ჰაბლი-ლამეტრის კანონი.

28 აგვისტოს CERN-ში გამოცხადდა ჰიგსის ბოზონის ორ b-კვარკად დაშლის აღმოჩენის შესახებ, რაც ეთანხმება ნაწილაკების სტანდარტული მოდელს.

ასტრონომები პირველად დააკვირდნენ გარე-გალაქტიკურ წყაროს, შორეულ ბლაზერს, რომელმაც წარმოშვა მაღალი ენერგიის ნეიტრინოების ნაკადი. ობიექტის დაფიქსირება ასევე მოხერხდა ელექტრომაგნიტურ დიაპაზონში, რაც მრავალარხიანი ასტრონომიის განვითარების ახალი ეტაპის დაწყებას მოასწავებს. ორივე ჯგუფის სტატიები დღეს, 12 ივლისს, გამოქვეყნდა ჟურნალ Science-ში. მოვლენისადმი მიძღვნილი ორ საათიანი ვიდეოკონფერენციის რეპორტაჟი დღეს მიმდინარეობდა Youtube-ზე, თბილისის დროით 18 საათიდან.

პლაზმის "ვარდნის" შესწავლა მზის ატმოსფეროში ადასტურებს, რომ ნისლის და წვიმის მაგვარი მოვლენები ხდება მზეზეც, სადაც წყალის როლს პლაზმა ასრულებს. მზის ატმოსფეროში პლაზმის კონდენსაციაზე დაკვირვებამ შეიძლება პასუხი გასცეს კითხვას თუ რატომაა მზის კორონა ასეთი ცხელი.

ჟურნალ Phys. Rev. Lett.-ის აპრილის ნომერში გამოქვეყნებულ სტატიაში მოცემულია Fermilab-ში მიმდინარე MiniBooNE ექსპერიმენტის რვა წლის წინანდელი მონაცემების ახალი ანალიზი. 2009-2011 წლების მონაცემებში ნაპოვნი იქნა განსაზღვრული ენერგიის (რომელიც საკმარისია მიუონის გასაჩენად) მქონე ნეიტრინოების არსებობის პირველი პირდაპირი დადასტურება.

მომავალ თვეში დაგეგმილია 2017 წლის აპრილში ჩვენი გალაქტიკის ცენტრში მდებარე შავი ხვრელისთვის გადაღებული სურათის გამოქვეყნება რომელიც დამზადდება Event Horizon Telescope პროექტის ფარგლებში.

NASA-ს მარსმავალმა Curiosity აღმოაჩინა ახალი მტკიცებულება, ძირითადად ორგანული ნახშირბადი, რაც გვაფიქრებინებს წითელი პლანეტაზე უძველეს სიცოცხლის არსებობაზე.

ჟურნალ Astrophysical Journal-ის მაისის ნომერში გამოქვეყნებული სტატიის თანახმად, 2017 წლის სენსაციურმა მოვლენამ, რომელშიც ორი ნეიტრონული ვარსკვლავის შერწყმისას გამოსხივებული გრავიტაციული ტალღები დაფიქსირდა, შესაძლებელია შავი ხვრელი წარმოქმნა.

ჯურნალ Astrophysical Journal-ის მაისის ნომერში გამოქვეყნებული სტატიის თანახმად, ასტრონომებმა არიზონის მთებში მდებარე განახლებული ბარელ შმიდტის ტელესკოპით აღმოაჩინეს იონიზირებული წყალბადის უზარმაზარი ღრუბელი გალაქტიკაში M51, ე. წ. მორევის გალაქტიკა.