სიახლეები
2021 წლის 29 ივნისს ჟურნალში The Astrophysical Journal Letters გამოქვეყნდა LIGO/Virgo კოლაბორაციის სტატია გრავიტაციული ტალღური სიგნალით შავი ხვრელის მიერ ნეიტრონული ვარსკვლავის შთანთქმის დადასტურების შესახებ.
2021 წლის 14 ივნისს, ჟურნალში Nature Astromomy გამოქვეყნებულ სტატიაში, პოტსდამის ასტროფიზიკის ინსტიტუტის (გერმანია) ასტრონომები გვაუწყებენ, რომ მათ, ჩინელ და ესტონელ მეცნიერებთან თანამშრომლობით, აღმოაჩინეს სამყაროში ყველაზე დიდი ზომის კოსმოლოგიური სტრუქტურების ბრუნვა.
2021 წლის 1 ივნისს ჟურნალმა Journal of High Energy Physics გამოაქვეყნა კალიფორნიელი მკვლევარების სტატია, თუ როგორ შეიძლება ახალი ტიპის ძალის შემოყვანა დაგვეხმაროს ფარული მატერიის თვისებების ახსნაში.
2021 წლის 26 იანვარს ჟურნალმა Physical Review D გამოქვეყნა ამერიკელი ფიზიკოს თეორეტიკოსების სტატია, რომელიც აჩვენებს რომ კერის შავი ხვრელების შეშფოთებული მოდელი არღვევს No-Hair თეორემას.
მოხერხდა NASA-ს ზონდის InSight-ის მზის პანელების ნაწილობრივ გაწმენდა მარსის მტვრისგან, რამაც შესაძლოა მეცნიერებს მისიის გაგრძელების საშუალება მისცეს.
3 ივნისს კოსმოსური რენტგენული ობსერვატორია Swift-ის მიერ ჩვენი გალაქტიკის სიბრტყეში დაფიქსირებული სიგნალი შესაძლოა კიდევ ერთ, რიგით 25-ე მაგნეტარს ეკუთვნოდეს.
2021 წლის 9 ივნისს ჟურნალმა Nature გამოაქვეყნა ესპანელი და გერმანელი მკვლევარების სტატია, სადაც ისინი ამტკიცებენ, რომ ვარსკვლავთ-წარმოქმნის პროცესი მცირე სატელიტ გალაქტიკებში დამოკიდებულია ცენტრალური გალაქტიკის მიმართ მათ ორიენტაციაზე, რაც დაკავშირებულია ცენტრალური შავი ხვრელის მიერ გამოტყორცნილ ენერგიასა და მატერიასთან.
ჟურნალებმა Physical Review Applied და Journal of Instrumentation დასაბეჭდად მიიღეს MicroBooNE კოლაბორაციის მეცნიერების ორი სტატია, სადაც წარმოდგენილია მათ მიერ შემუშავებული ალგორითმი, რომელიც საშუალებას გვაძლევს ამაჩქარებელზე მიღებული ნეიტრინოს დამზერისას ფონური კოსმოსური გამოსხივება 100,000-ჯერ შევამციროთ.
2021 წლის 7 ივნისს ლოს ალამოსის სამეცნიერო სტატიების არქივში გამოჩნდა CERN-ის LHCb კოლაბორაციის სტატია, რომლის მიხედვითაც პირველად მოხდა D0 მეზონის ანტინაწილაკად გადაქცევის და შემდეგ საწყის ფორმაში დაბრუნების ექსპერიმენტული დამზერა.
ჟურნალმა Nature 2021 წლის 9 ივნისს გამოაქვეყნა სტატია რომლის მიხედვით Google-თან ასოცირებულმა მკვლევარებმა შექმნეს თვით-მსწავლი მანქანა, რომელსაც შეუძლია მიკრო-ჩიპების დიზაინის შექმნა ადამიანზე სწრაფად და ეფექტურად.