ჟურნალ Science-ს აპრილის ნომერში გამოქვეყნდა CDF კოლაბორაციის მიერ W-ბოზონების მასის გაზომვების შედეგი, რომლებმაც აჩვენა გადახრა სტანდარტული მოდელის მონაცემებთან, რაც შესაძლოა გახდეს ყველაზე მნიშვნელოვანი აღმოჩენა ახალი ფიზიკის მიმართულებით.

2021 წლის სტატიაში, რომელიც ახლახან დასაბეჭდად მიიღო ჟურნალმა Phys. Rev. Lett., სეულის უნივერსიტეტის და სამხრეთ კორეის საბაზისო მეცნიერების ინსტიტუტის მკვლევარების ჯგუფმა აჩვენა, რომ მრავალუჯრედიან ბატერეებში კვანტური გადახლართულობის გამოყენებას შეუძლია დამუხტვის სისწრაფე გაზარდოს კვადრატულად, კლასიკური მიმდევრობით სქემასთან შედარებით. ამისთვის საჭიროა ე. წ. დატენის გლობალური პროტოკოლის გამოყენება, რომელიც ბატარეის ყველა უჯრედს ტენის ერთობლივად.

ჟურნალ AIP Advances 2022 წლის მარტი ნომერში გამოქვეყნდა პორტსმუთის უნივერსიტეტის მკვლევარის Melvin Vopson-ის ნაშრომი, სადაც შემოთავაზებული პროტოკოლი თუ როგორ შეიძლება ექსპერიმენტულად შემოწმდეს მისი იდეა, რომ ინფორმაციას აქვს მასა და რომ ყველა ელემენტარული ნაწილაკი ინახავს ინფორმაციას საკუთარ თავზე.

Journal of High Energy Physics 2021 წლის აპრილის ნომერში გამოქვეყნებულ ახალ ნაშრომში, ფიზიკოსთა საერთაშორისო ჯგუფმა იპოვა შავი ხვრელების ინფორმაციული პარადოქსის გადაჭრის ახალი მეთოდი. ჭია ხვრელების ამონახსნის გამოყენებით, რომელიც შეიძლება ერთმანეთთან აკავშირებდეს შავი ხვრელის შიდა და გარე არეებს, მათ აჩვენეს სისტემის სრული ენტროპიის განულების შესაძლებლობა.

ჟურნალ Physical Review Letters იანვრის ნომერში გამოქვეყნდა მასაჩუსეტსის ტექნოლოგიური ინსტიტუტის მკვლევარების სტატია, სადაც CERN-ის ამაჩქარებლის 2018 წლის მონაცემების ანალიზის საფუძველზე ისინი გვამცნობენ კვარკ-გლუონურ პლაზმაში ე.წ. Х-ნაწილაკების დაფიქსირების შესახებ.

2021 წლის 30 დეკემბერს ჩინეთის თერმობირთვული სინთეზის ექსპერიმენტულმა რეაქტორმა EAST ახალი რეკორდი დაამყარა - მან 70 მილიონ °C-მდე გაცხელებული პლაზმა 17 წუთისა და 36 წამის განმავლობაში შეინარჩუნა.

ჟურნალ Nature Materials იანვრის ნომერში გამოქვეყნდა ნიუ ჰემფშირის უნივერსიტეტის მკვლევარების სტატია, სადა მათ ელექტრონული ჰოლოგრაფიის და მიკრო-მაგნიტური სიმულაციების საშუალებით შეისწავლეს სამგანზომილებიანი მაგნიტური სტრუქტურები ტეტრაედრული ფორმის FeGe ნანონაწილაკებში. კვლევის შედეგები შეიძლება გამოყენებული იქნას სადიაგნოსტიკო აპარატურის და ინფორმაციის შესანახი მოწყობილობების გასაუმჯობესებლად.

2022 წლის 4 მარტს, თბილისის დროით 4:25 საათზე, მთვარის ბნელ მხარეს ჩამოვარდა მიტოვებული (სავარაუდოდ ჩინური) რაკეტის ნაწილი.

ჟურნალ Physical Review Letters-ის 2022 წლის იანვრის ნომერში დაიბეჭდა პარიზის უნივერსიტეტის და CERN-ის თეორეტიკოსების სტატია, რომელშიც შემოთავაზებულია ნაწილაკების სტანდარტული მოდელის ორი პრობლემის (ჰიგსის ნაწილაკის მოსალოდნელზე ნაკლები მასა და ძლიერი ურთიერთქმედების ზუსტი CP სიმეტრია) ერთდროული გადაჭრა მრავალი სამყაროს კოსმოლოგიური მოდელის ფარგლებში.

2022 წლის 14 თებერვალს Nature Physics-მა გამოაქვეყნა საერთაშორისო კოლაბორაცია KATRIN-ის ელექტრონული ანტინეიტრინოს მასების გაზომვების მორიგი შედეგები. ნეიტრინოების მასაზე შეზღუდვების მისაღებად ამ ექსპერიმენტში იყენებენ ტრიტიუმის ბეტა-დაშლის დროს გამოსხივებული ელექტრონების ენერგიის განაწილებას. ნეიტრინოს მასის ახალი ზედა ზღვარი 0.8 eV, პირველად ჩამოცდა 1 eV მნიშვნელობას, ანუ დაუახლოვდა კოსმოლოგიურ მონაცემებს.