ჟურნალ Science-ს 2022 წლის იანვრის ნომერში გამოქვეყნდა სტენფორდის უნივერსიტეტის მკვლევარების სტატია, სადაც მოყვანილია გრავიტაციული დროის შენელებით გამოწვეული ატომების ტალღური პაკეტების ფაზურ წანაცვლების გაზომვის შედეგები. აღმოჩნდა, რომ ეს ფაზური წანაცვლებები ატომების მასების პროპორციულია, რაც ეთანხმება არონოვი-ბომის თეორიის წინასწარმეტყველებებს.

2021 წლის 25 დეკემბერს წარმატებული გაშვების შემდეგ, 2022 წლის 7 იანვარს საშტატო რეჟიმში შესრულდა James Webb კოსმოსური ტელესკოპის მთავარი სარკის გაშლაც. ამჟამად ტელესკოპი მიემართება საბოლოო განთავსების ადგილისკენ ლაგრანჟის L2 წერტილში, მთვარის ორბიტის მიღმა, რომელსაც დაახლოებით ერთ თვეში უნდა მიაღწიოს.

სამხრეთ ამერიკაში მდებარე Guiana Space Centre-ის კურუს კოსმოდრომზე დამთავრდა James Webb Space Telescope-ში საწვავით შევსების პროცედურები. 20 დეკემბერს დაგეგმილია ტელესკოპის გატანა ასაფრენ პლატფორმაზე, საიდანაც 25 დეკემბერს უნდა მოხდეს მისი კოსმოსში გაშვება ფრანგული რაკეტა მატარებლით Ariane 5.

ჟურნალ Communications Physics ნოემბრის ნომერში გამოქვეყნდა ვენის უნივერსიტეტის მკვლევარების სტატია, სადაც ნაჩვენებია, რომ კვანტურ მექანიკაში საზღვარი დროის წინ და უკან სვლას შორის შესაძლოა ილუზორული იყოს.

7 ნოემბერს LIGO, Virgo და KAGRA კოლაბორაციებმა გამოაქვეყნეს განახლებული გრავიტაციული ტალღების კატალოგი, რომელიც ახლა შეიცავს ინფორმაციას 90 სიგნალზე, აქედან 35 დაფიქსირებული იქნა მე-3 დაკვირვებების სეზონის განმავლობაში, რომელიც შეწყდა 2020 წლის 27 მარტს COVID-19 პანდემიის გამო.

The Astrophysical Journal-ის სექტემბრის ნომერში გამოქვეყნდა ასტრონომების საერთაშორისო ჯგუფის სტატია, სადაც ჩატარებულია 2003 წელს დაფიქსირებული ობიექტის რენტგენის გამოსხივების ხელახალი ანალიზი. მონაცემების თანახმად საქმე გვაქვს ძალიან იშვიათი შუალედური მასის შავი ხვრელის მიერ ვარსკვლავის შთანთქმის მოვლენასთან.

The Astrophysical Journal-მა დასაბეჭდად მიიღო ასტრონომების საერთაშორისო ჯგუფის სტატია, რომლებმაც ავსტრალიური რადიოტელესკოპის მეშვეობით აღმოაჩინეს გალაქტიკის ცენტრიდან მომავალი უცნაური რადიო-სიგნალები, რომელთა წარმოშობაც ჯერ-ჯერობით გაურკვეველია.

2021 წლის ივლისში ATLAS კოლაბორაციამ (CERN) გამოაქვეყნა პრეს-რელიზი, რომ დიდ ადრონულ კოლაიდერზე მათ აღმოაჩინეს ახალი ზემძიმე ბოზონის არსებობის კვალი 13 TeV ენერგიებზე pp-დაჯახებების მოვლენებში (ორი b-მეზონის და ორი τ-ლეპტონის ჯეტებით), რაც შესაძლოა მიუთითებდეს ახალი ფიზიკის არსებობაზე ნაწილაკების სტანდარტული მოდელის მიღმა.

2021 წლის 10 აგვისტოს ჟურნალმა Icarus გამოაქვეყნა ასტრონომების საერთაშორისო ჯგუფის სტატია, სადაც სტაციონარული ტელესკოპებისა და პლანეტათშორისო სადგურის OSIRIS-REx მონაცემებზე დაყრდნობით შეფასებულია დედამიწისთვის 500 მეტრიან ასტეროიდ Bennu-სთან დაკავშირებული ხიფათის დონე. აღმოჩნდა, რომ ჩვენ პლანეტასთან ამ ასტეროიდის შეჯახება ყველაზე უფრო მოსალოდნელია 2182 წლის სექტემბერში და ამ მოვლენის ალბათობის შანსია ერთი 2,700-დან. ამ მონაცემების თანახმად Bennu ამჟამად განიხილება დედამიწისთვის ყველაზე სახიფათო ობიექტად პალერმოს შკალით.

2021 წლის 13 ივნისს გავრცელდა სამწუხარო ინფორმაცია, რომ ლეგენდარული კოსმოსური ტელესკოპი Hubble მწყობრიდან გამოვიდა. 14 ივლისს NASA-ს მეცნიერებმა განაცხადეს, რომ მათ აღმოაჩინეს პრობლემა და უახლოეს დღეებში შეეცდებიან ტელესკოპის რეანიმირებას.