სიახლეები
3 ივნისს კოსმოსური რენტგენული ობსერვატორია Swift-ის მიერ ჩვენი გალაქტიკის სიბრტყეში დაფიქსირებული სიგნალი შესაძლოა კიდევ ერთ, რიგით 25-ე მაგნეტარს ეკუთვნოდეს.
2021 წლის 9 ივნისს ჟურნალმა Nature გამოაქვეყნა ესპანელი და გერმანელი მკვლევარების სტატია, სადაც ისინი ამტკიცებენ, რომ ვარსკვლავთ-წარმოქმნის პროცესი მცირე სატელიტ გალაქტიკებში დამოკიდებულია ცენტრალური გალაქტიკის მიმართ მათ ორიენტაციაზე, რაც დაკავშირებულია ცენტრალური შავი ხვრელის მიერ გამოტყორცნილ ენერგიასა და მატერიასთან.
ჟურნალებმა Physical Review Applied და Journal of Instrumentation დასაბეჭდად მიიღეს MicroBooNE კოლაბორაციის მეცნიერების ორი სტატია, სადაც წარმოდგენილია მათ მიერ შემუშავებული ალგორითმი, რომელიც საშუალებას გვაძლევს ამაჩქარებელზე მიღებული ნეიტრინოს დამზერისას ფონური კოსმოსური გამოსხივება 100,000-ჯერ შევამციროთ.
2021 წლის 7 ივნისს ლოს ალამოსის სამეცნიერო სტატიების არქივში გამოჩნდა CERN-ის LHCb კოლაბორაციის სტატია, რომლის მიხედვითაც პირველად მოხდა D0 მეზონის ანტინაწილაკად გადაქცევის და შემდეგ საწყის ფორმაში დაბრუნების ექსპერიმენტული დამზერა.
ჟურნალმა Nature 2021 წლის 9 ივნისს გამოაქვეყნა სტატია რომლის მიხედვით Google-თან ასოცირებულმა მკვლევარებმა შექმნეს თვით-მსწავლი მანქანა, რომელსაც შეუძლია მიკრო-ჩიპების დიზაინის შექმნა ადამიანზე სწრაფად და ეფექტურად.
2021 წლის 12 მაისს ჟურნალში The Planetary Science Journal გამოქვეყნდა ასტრონომების საერთაშორისო ჯგუფის სტატია, სადაც საუბარია ასტეროიდ 16 Psyche-ს შემადგენლობის დადგენის მეთოდებზე და მისი წარმოშობის შესაძლო ისტორიაზე.
2021 წლის 9 ივნისს ჟურნალმა Nature გამოაქვეყნა სტატია სადაც მოთხრობილია, რომ ქვინსლენდის უნივერსიტეტის მეცნიერებმა შექმნეს კვანტური მიკროსკოპი, რომელსაც შეუძლია გამოავლინოს ბიოლოგიური სტრუქტურები, რომელთა დანახვა აქამდე შეუძლებელი იყო.
2021 წლის 9 მარტს ჟურნალმა Physical Review D გამოქვეყნა პრინსტონის უნივერსიტეტის მეცნიერების სტატია, სადაც თეორიულად შეფასებულია თუ რა პირობებს უნდა აკმაყოფილებდნენ ჭიახვრელები, რომ შესაძლებელი გახდეს მათი გამოყენებით მაკროსკოპული ობიექტების (მაგალითად ადამიანის) დიდ მანძილებზე გადატანა. ამისთვის მათ შემოიყვანეს ისეთი ეგზოტიკური ინგრედიენტები, როგორიცაა დამატებითი სივრცითი განზომილება, ძალიან დაბალი ტემპერატურები, უარყოფითი ენერგიები და მაგნიტური მონოპოლები.
2021 წლის 28 მაისს ჟურნალში The Journal of Physical Chemistry გამოქვეყნდა გერმანელი და ფრანგი მეცნიერების თეორიული კვლევა კვანტური წერტილებს შორის ურთიერთქმედების შესახებ ატომურ დონეზე.
2021 წლის მარტის ნომერში ჟურნალში Chaos დაიბეჭდა სინგაპურის ტექნოლოგიისა და დიზაინის უნივერსიტეტის მეცნიერების სტატია, თუ როგორ შეიძლება გარემომ გავლენა მოახდინოს კვანტურ ქცევაზე, როგორიცაა მაგალითად ლოკალიზაცია. კვლევის შედეგებმა შეიძლება მიგვიყვანოს ახალ აღმოჩენებთან ზეგამტარ მასალებსა და კვანტური მოწყობილობების ფიზიკაში, მათ შორის ზუსტი სენსორების დიზაინში.