ჟურნალმა Astronomy & Astrophysics დასაბეჭდად მიიღო მკვლევართა საერთაშორისო ჯგუფის სტატია, სადაც დადასტურებულია დედამიწის-მსგავსი პლანეტის, Proxima b-ს არსებობა. პლანეტა ბრუნავს მზის სისტემასთან ყველაზე ახლოს მყოფი ვარსკვლავის, პროქსიმა კენტავრის გარშემო, რომელიც მზისგან 4.2 სინათლის წლითაა დაშორებული.

1-3 ივნისს ამერიკული ასტრონომიული საზოგადოების მორიგ შეხვედრაზე, რომელიც წელს პირველად ჩატარდა ონლაინ, ამერიკელი მეცნიერების ჯგუფმა წარმოადგინეს მარსის მთვარეების დინამიკის კომპიუტერული სიმულაციები, რომელთა ერთერთი შედეგია წარსულში მარსის გარშემო რგოლების არსებობის დაშვება.

31 მაისს Elon Musk-ის კომპანია SpaceX-ის მიერ გაშვებულმა კოსმოსურმა ხომალდმა Crew Dragon წარმატებულად გადასხა NASA-ს ასტრონავტები საერთაშორისო კოსმოსურ სადგურზე.

ჟურნალ Proceedings of the National Academy of Sciences ივნისის ნომერში გამოქვეყნებულ სტატიაში, ცენტრალური ფლორიდის უნივერსიტეტის მკვლევარი, პეპლის ფრთების შეუდარებელ ფერის მომცემი ბუნების ნანო-ტექნოლოგიის ანალოგიის გამოყენებით გვთავაზობს დაბალი სიმძლავრის და მაღალი გარჩევადობის ეკრანები შექმნის ტექნოლოგიას.

ჟურნალ Nature Physics-ის ივნისის ნომერში გამოქვეყნდა ფინელი თეორეტიკოსების სტატია, სადაც ნეიტრონული ვარსკვლავების შერწყმის შედეგად გამოსხივებული გრავიტაციული ტალღების და მასიურ ნეიტრონულ ვარსკვლავებზე დაკვირვებების მონაცემების ანალიზის საფუძველზე დადასტურებულია მოსაზრება, რომ ზე-მასიური ნეიტრონული ვარსკვლავების ბირთვებში ჩნდება მატერიის ეგზოტიკური ფორმა - კვარკ-გლუონური პლაზმა.

ჯურნალ Nature-ს ივნისის ნომერში გამოქვეყნდა CERN-ში განთავსებულ ბირთვული ხელსაწყოს ISOLDE ექსპერიმენტატორთა და თეორეტიკოსების საერთაშორისო ჯგუფის სტატია, რომლებმაც წარმატებით შეასრულა მცირე სიცოცხლის ხანგრძლივობის მქონე რადიოაქტიური მოლეკულის (რადიუმის მონოფლუორიდის) პირველი ლაზერული სპექტროსკოპული გაზომვები.

ჟურნალ Nature-ს მაისის ნომერში გამოქვეყნდა ასტრონომების საერთაშორისო ჯგუფის სტატია, სადაც მათ სწრაფი რადიო ამოფრქვევების გამოყენებით გამოიკვლიეს ვარსკვლავთშორის სივრცე და იქ სავარაუდოდ აღმოაჩინეს სამყაროს დაკარგული მატერია.

ჟურნალ Astrophysical Journal Letters მაისის ნომერში, ასტრონომების ორი ჯგუფის მიერ გამოქვეყნებულ სტატიებში, გამოთქმულია მოსაზრება, რომ სამი მძლავრი აფეთქება კოსმოსში, რომელთაგან ერთი 2016 ხოლო ორი 2018 წელს დაფიქსირდა, მიაკუთვნება შემთხვევების ახალ კლასს - FBOT. ახალი ტიპის მოვლენებს აქვთ ბევრი საერთო მასიური ზეახალი ვარსკვლავების და გამა აფეთქებების (GRB) წყაროებთან, თუმცა არსებობს ასევე მნიშვნელოვანი განსხვავებებიც.

ჟურნალ Nature Communications აპრილის ნომერში იაპონელი მეცნიერების ჯგუფი თავის სტატიაში გვაუწყებს, რომ მათ მარსული მეტეორიტის კირქვებში აღმოაჩინეს აზოტის შემცველი ორგანული მასალა, რომელიც სავარაუდოდ 4 მილიარდი წლის წინანდელია. კირქვა როგორც წესი დალექვით წარმოიქმნება, რაც გვაფიქრებინებს, რომ ადრეული მარსი იყო ნოტიო და ორგანული ნივთიერებებით მდიდარი და მასზე შესაძლებელია ყოფილიყო ხელსაყრელი გარემო სიცოცხლის არსებობისთვის.

ჟურნალ Nature-ს მაისის ნომერში გამოქვეყნდა მაქს პლანკის ინსტიტუტის მკვლევარების სტატია, სადაც რადიოტელესკოპ ALMA-ს მონაცემებზე დაყრდნობით მოთხრობილია მასიური მბრუნავი დისკური გალაქტიკის აღმოჩენის შესახებ ადრეულ სამყაროში, რაც წარმოადგენს გამოწვევას გალაქტიკების წარმოშობის ტრადიციული მოდელისთვის.