შავი ხვრელების არსებობის შესაძლებლობა პირველად აჩვენა კარლ შვარცშილდმა 1915 წელს, თუმცა მხოლოდ 1965 წელს როჯერ პენროუზის (ოქსფორდის უნივერსიტეტი) მიერ მოხერხდა იმის მკაცრად დამტკიცება, რომ შავი ხვრელები მასიური ვარსკვლავების კოლაფსის შედეგად წარმოიშვებიან. პენროუზის კვლევები ითვლება ფუნდამენტურ შრომებად ფარდობითობის ზოგად თეორიაში სინგულარობების პრობლემის შესწავლის მიმართულებით.

რიჰარდ გენცელი (მაქს პლანკის ინსტიტუტი, გერმანია) და ანდრეა გეზი (კალიფორნიის უნივერსიტეტი, ლოს ანჟელესი) 1990-იან წლებში ხელმძღვანელობდნენ ასტრონომების ჯგუფებს, რომლებიც ინფრაწითელ დიაპაზონში აკვირდებოდნენ ვარსკვლავების ორბიტებს ჩვენი გალაქტიკის ცენტრში. შედეგად მათ ერთმანეთისგან დამოუკიდებლად აჩვენეს, რომ ჩვენი გალაქტიკის ცენტრში მდებარეობს ზემასიური შავი ხვრელი.

ტრადიციულად ნობელის პრემიების გადაცემის ოფიციალური ცერემონიალი დეკემბერში ტარდება, თუმცა წელს ცერემონია გაუქმდა პანდემიის გამო.

წყარო:

https://www.nobelprize.org/prizes/physics/2020/press-release/