სიახლეები
2021 წლის 8 მარტს ნიდერლანდელი მეცნიერების ჯგუფმა უკან გამოითხოვა თავიანთი 2018 წლის სტატი ჟურნალ Nature-დან, რადგან მასში შემოთავაზებული დასკვნები მაიორანას კვაზინაწილაკების აღმოჩენის შესახებ მეცნიერულად დაუსაბუთებელი გამოდგა.
2021 წლის 10 მარტს ჟურნალ Nature-ში გამოქვეყნდა სტატია, სადაც ნათქვამია, რომ ფიზიკოსებმა გაზომეს აქამდე განხილულებთან შედარებით ყველაზე მცირე მასის სხეულის, დაახლოებით 0.09 გრამი მასის ოქროს სფეროს გრავიტაციული ველი. ახალი მონაცემები შესაძლოა დაგვეხმაროს იმის გაგებაში, თუ როგორ ესადაგება გრავიტაციისა და კვანტური მექანიკის კანონები ერთმანეთს უმცირეს მასშტაბებზე.
TOTEM (CERN, შვეიცარია) და DØ (Tevatron, აშშ) კოლაბორაციებმა 5 მარტს გამართულ ონლაინ შეხვედრაზე გამოაცხადეს სამ-გლუონური მდგომარეობის, ე. წ. ოდერონის (odderon) აღმოჩენის შესახებ. ეს დაკვირვება მნიშვნელოვანია ძლიერი ურთიერთქმედების ძირეული თვისებების შესწავლის საქმეში.
2 მარტს CERN-ის LHCb კოლაბორაციამ გამოაცხადა ოთხი კვარკისგან შემდგარი 4 ახალი ადრონის აღმოჩენის შესახებ.
NASA-ს მეცნიერებმა ჩაატარეს 4 მარტს მარსის ზედაპირზე დასმული როვერის ტესტირება - მარსმავალი Perseverance პირველად გადაადგილდა წითელი პლანეტის ზედაპირზე. ძირითადი მისიის, მარსზე სიცოცხლის ნიშნების ძიების დაწყებამდე დაგეგმილია კიდევ რამდენიმე მსგავსი ტესტის ჩატარება.
18-19 თებერვლის ღამის 1 საათისთვის (თბილისის დროით) იგეგმება NASA-ს ზონდის მარსზე დაშვების პირდაპირი ტრანსლაცია.
ჟურნალ Physics Letters B-ს მარტის ნომერისთვის დასაბეჭდად მიღებული იქნა სასექსის უნივერსიტეტის თეორეტიკოსი ფიზიკოსების სტატია, სადაც რადიკალურად შემცირებულია ფარული მატერიის ჰიპოთეტური ნაწილაკების შესაძლო მასების დიაპაზონი.
ჩინური მთვარის შემსწავლელი პროგრამის ფარგლებში, კოსმოსურმა აპარატმა „ჩანგ’ე-5“ (嫦娥五号 - ჩინური მთვარის ღვთაება), დედამიწაზე 1.731 კგ მთვარის გრუნტი ჩამოიტანა.
დეკემბერში ცაზე ძალიან იშვიათი მოვლენის ნახვაა შესაძლებელი - იუპიტერი და სატურნი მიუახლოვდებიან ერთმანეთს და 21 დეკემბერს როგორც თითქმის ერთი კაშკაშა ობიექტი ისე გამოჩნდებიან.
ჟურნალ Physical Review Letters-ში 23 ნოემბერს გამოქვეყნდა იაპონელი ფიზიკოსების სტატია, რომლებმაც კოსმოსური ობსერვატორია Planck-ის, 2018 წლის კოსმოსური მიკროტალღური ფონური გამოსხივების პოლარიზაციის მონაცემების ანალიზის საფუძველზე მოახერხეს ე. წ. კოსმოსური ორმაგი სხივთა გარდატეხის კუთხის გაზომვა. სისტემატური ცდომილებების გამორიცხვა მოხერხდა მიკროტალღური ფონის და ჩვენი გალაქტიკის ობიექტების გამოსხივებათა პოლარიზაციების ერთმანეთთან შედარებით.