ჟურნალ Nature-ის მაისის ნომერში გამოქვეყნებული სტატის თანახმად, უძველესი მიკრომეტეორიტების კვლევით დადგინდა, რომ 2.7 მილიარდი წლის წინ დედამიწის ატმოსფეროს ზედა ფენებში საკმაოდ მაღალი იყო ჟანგბადის კონცენტრაცია, რაც ეწინააღმდეგება აქამდე გავრცელებულ მოდელს წარსულში ჟანგბადით ღარიბი ატმოფეროს არსებობის შესახებ.

2016 წლის 9 მაისს 15 საათის შემდეგ საქართველოდან ხილული იქნება მერკურის გავლა (ტრანზიტი) მზის დისკოზე, რის შედეგადაც მზეზე გამოჩნდება ბნელი მრგვალი ლაქა.

NASA-ს ვებ გვერდზე 26 აპრილს გამოქვეყნდა ინფორმაცია კოიპერის სარტყელში მდებარე ჯუჯა პლანეტა Makemake-ს მთვარის აღმოჩენის დადასტურების შესახებ.

სამყაროში დროითი განზომილების თვისებები შესაძლოა უკავშირდებოდეს თერმოდინამიკის მეორე კანონს: დროს აქვს ერთადრეთი მიმართულება ვინაიდან ენტროპია მხოლოდ იზრდება. ჟურნალში Eur. Phys. Lett. გამოქვეყნებულ სტატიში გამოთქმულია ვარაუდი, რომ თერმოდინამიკის მეორე კანონით ასევე შეიძლება აიხსნას თუ რატომ არსებობს 3 სივრცითი განზომილება.

ლიეჟის უნივერსიტეტის (ბელგია) ასტრონომთა ჯგუფმა ტელესკოპ TRAPPIST-ის გამოყენებით ჩვენგან 40 სინათლის წელიწადით დაშორებული ცივი ჯუჯა ვარსკვლავის ორბიტაზე დედამიწის მსგავსი 3 პლანეტა აღმოაჩინა. პლანეტების ზომები და ტემპერატურა დედამიწისა და ვენერას მსგავსია და აქამდე აღმოჩენილ ეგზოპლანეტებს შორის საუკეთესო კანდიდატები არიან სიცოცხლის ნიშნების საძიებლად.

სამედიცინო ჟურნალ PLOS ONE-ის 20 აპრილის ნომერში გამოქვეყნებული სტატიის თანახმად კოსმოსში ორი კვირით ნამყოფ თაგვებს აღმოჩნდათ ღვიძლის ფიბროზის საწყისი სტადია.

იუტას უნივერსიტეტის მეცნიერებმა პირველად შეძლეს C-60 ფულერინების შემცველ ორგანულ ნახევარგამტარებში შებრუნებული სპინური ჰოლის ეფექტის დიდი სიზუსტით დემონსტრაცია. ამის შედეგად მათ მოახერხეს მაგნიტური სპინური დენის ელექტრულ დენად გარდაქმნა.

კოსმოსურ ტელესკოპ Hubble-ს 26 წლისთავთან დაკავშირებით NASA-მ გამოაქვეყნა ბუშტის ნისლეულის განსაცვიფრებელი სურათი.

ე.წ. რადიალური სიჩქარის მეთოდით (მბრუნავი პლანეტების გრავიტაციით გამოწვეული ვარსკვლავის მცირე რადიალური რხევები) აღმოჩენილია მრავალი ეგზოპლანეტა. თუმცა მცირე მასის მქონე ვარსკვლავებისთვის ამ მეთოდის გამოყენება არ არის მიზანშეწონილი - პლანეტის გრავიტაციის გავლენა შეიძლება აგვერიოს სხვა მოვლენაში. მისურის უნივერსიტეტის მეცნიერებმა გადაწყვიტეს დაეხვეწათ რადიალური სიჩქარის მეთოდი ხილულზე ოდნავ გრძელი ტალღის სიგრძის მქონე გამოსხივების გამოყენებით.

Science-ის 15 აპრილის ნომერში გამოქვეყნებულ სტატიაში მოთხრობილია, რომ მეცნიერებმა შექმნეს ახალი ძალიან შავი მასალა, რომელსაც შეუძლია წყლის ეფექურად აორთქლება დუღილის გარეშე, მხოლოდ მზის სხვების ზემოქმედებით.