1960 წელს თავის ცნობილ ლექციებში რიჩარდ ფეინმანმა აღნიშნა, რომ დროის გრავიტაციული შენელების გამო შესაძლოა დედამიწის ბირთვსა და ზედაპირს შორის ასაკთა სხვაობა არსებობდეს. მისი ლექციების გამოქვეყნებული ვერსიის თანახმად ეს განსხვავება 1-2 დღე იქნებოდა. ახლახან ეს ვარაუდი გადაამოწმეს დანიელმა მეცნიერებმა European Journal of Physics-ში გამოქვეყნებულ სტატიაში. დედამიწის რეალისტური მოდელისთვის მათი გამოთვლებით ბირთვი აღმოჩნდა 2.5 წლით “ახალგაზრდა” ვიდრე დედამიწის ქერქი.

ცნობილია, რომ გრავიტაცია ცვლის დრო-სივრცის გეომეტრიას. ობიექტი, რომელიც ახლოსაა დედამიწის ცენტრთან გრძნობს მეტ გრავიტაციულ “წნევას” ვიდრე გარეთ - დრო ბირთვთან ნელდება. რაც ნიშნავს იმას, რომ მატერია, რომლისაგანაც ბირთვი შედგება არის უფრო ახალგაზრდა. დანიელი მეცნიერების შეფასებებით დედამიწის არსებობის 4.5 მილიარდი წლის განმავლობაში გრავიტაციას უნდა გამოეწვია დროის ფარდობითი დაგვიანება 2.5 წლით. ეს აღმოჩენა კიდევ ერთი მაგალითია იმისა თუ როგორ გავლენას ახდენს გრავიტაცია დროზე.

წყარო: http://phys.org/n...=item-menu