ჟურნალ "Nature Physics"-ის მარტის ნომერში გამოქვეყნდა კანადელ და ამერიკელ მეცნიერთა ჯგუფის სტატია, სადაც განხილულია თხევადი ჰელიუმის და შავი ხვრელების ზოგიერთი თვისების საოცარი მსგავსება.

ჟურნალ Monthly Notices of the Royal Astronomical Society-ის თებერვლის ნომერში გამოქვეყნდა იელის უნივერსიტეტის სამეცნიერო ჯგუფის სტატია, სადაც მოცემულია ფარული მატერიის განაწილების ციფრული რუქა დღეისათვის ყველაზე მაღალი გარჩევადობით.

სამხრეთ კორეელმა მეცნიერებმა ოპტიმიზაცია გაუკეთეს სპეციალურ მაგნიტურ ჩამჭერებს, რომლებსაც იყენებენ ფარული მატერიის ერთ-ერთი კანდიდატის - აქსიონის დასაფიქსირებლად.

NASA-ს მარსმავალ Curiosity-ს ალუმინის ბორბლების მორიგი შემოწმებისას გაირკვა, რომ მის მარცხენა შუა ბორბალს ორი მცირე ბზარი გასჩენია. ბზარები 19 მარტს მიღებულ ფოტოებზე დააფიქსირეს და როგორც ირკვევა ისინი წინა, 27 იანვრის შემოწმების შემდეგ გაჩნდა.

Nature Energy-ის მარტის ნომერში გამოქვეყნდა იაპონელი მეცნიერების შრომა, სადაც ისინი ამტკიცებენ, რომ მაქსიმალურად მიუახლოვდნენ მზის ბატარეის ეფექტურობის ზღვარს.

Nature-ს მარტის ნომერში გამოქვეყნებული სტატიის თანახმად მოხერხდა 1 ბიტი ციფრული ინფორმაციის შენახვა ინდივიდუალურ ატომში. ეს არის გარღვევა ინფორმაციის შესანახი ხელსაწყოების მინიატურიზაციის პროცესში და შესაძლოა გამოდგეს მომავლის კვანტური კომპიუტერების საფუძვლად.

Journal of Mathematics and Music-ში 14 მარტს დასაბეჭდად მიიღეს ლონდონის Queen Mary-ის უნივერსიტეტის მეცნიერების სტატია მუსიკის უფრო სრულად აღთქმის ახალი მეთოდით, რომელიც ცნობილი მუსიკალური ეფექტის - ვიბრატოს ანალიზს ეფუძნება.

ჟურნალ Science-ის 3 მარტის ნომეში გამოქვეყნებულ სტატიაში გამოცხადდა, რომ საერთაშორისო პროექტის Event Horizon Telescope ფარგლებში, ჩვენი და მეზობელი M87 გალაქტიკების ცენტრში მდებარე შავ ხვრელებზე პლანეტარული რესურსებით დაკვირვების სენსი დაიწყება ამა წლის 5 აპრილს. გამოყენებული იქნება 12 რადიოტელესკოპი 8 ობსერვატორიიდან, რომლებიც მდებარეობენ ანტარქტიდაში, ჩრდილოეთ და სამხრეთ ამერიკაში და ევროპაში. ერთად ისინი შექმნიან ინტერფერომეტრს დედამიწის ზომის ტელესკოპის გარჩევისუნარიანობით. მეცნიერები იმედოვნებენ დააფიქსირონ „შავი ხვრელის ჩრდილი“ მის გარშემო არსებული გაზის ნათების ფონზე.

ჟურნალ Physical Review D თებერვლის ნომერში გამოქვეყნებულ სტატიაში ფიზიკოს თეორეტიკოსთა საერთაშორის ჯგუფი ამტკიცებს, რომ თუ ჰიპოთეტური ფარული მატერიის ნაწილაკები - აქსიონები არსებობენ, მაშინ მბრუნავმა შავმა ხვრელებმა შესაძლოა შექმნან ამ ნაწილაკების დიდი ღრუბელი. ეს ღრუბელი თავის მხრივ უნდა ასხივებდეს გრავიტაციულ ტალღებს, რომელთა დამზერა შესაძლებელი იქნება LIGO-ს მოდერნიზებული გრავიტაციული ანტენებით.

NASA-ს ვებ-გვერდზე 22 თებერვლისთვის დაანონსდა პრესკონფერენცია, რომელზეც სააგენტო აპირებს კოსმოსის კვლევის დარგში მნიშვნელოვანი აღმოჩენის შესახებ განცხადების გაკეთებას.