ჟურნალ Nature Communications-ის იანვრის ნომერში გამოქვეყნდა CERN-ში მომქმედი BASE ექსპერიმენტზე მიღებული ანტიპროტონის მაგნიტური მომენტის გაზომვების მონაცემები. შედეგები მილიონის 0.8 წილის სიზუსტით ემთხვევა ანალოგიურ გაზომვებს პროტონისთვის და ადასტურებს ე.წ. CPT-თეორემის მართებულობას.

ჟურნალმა Nature-მა 19 დეკემბერს დასაბეჭდად მიიღო CERN-ის ALPHA კოლაბორაციის სტატია, სადაც მოყვანილია ანტიწყალბადის ოპტიკური სპექტრის გაზომვის ექსპერიმენტის შედეგები. მონაცემები ადასტურებენ, რომ ჩვენი სამყაროს ერთ-ერთი ფუნდამენტური სიმეტრია - CPT - დიდი სიზუსტით ინახება.

ჟურნალ Geophysical Research Letters-ის ბოლო ნომერში გამოქვეყნებულ სტატიაში ამერიკელი და კანადელი გეოფიზიკოსები ამტკიცებენ, რომ მარსის ზედაპირის ქვეშ აღმოაჩინეს გაყინული წყლის უზარმაზარი რეზერვუარი.

აღმოაჩინეს უცნაური კავშირი ელემენტარული ნაწილაკების გაბნევის ამპლუიტუდასა და ალგებრული გეომეტრიის მნიშვნელოვან რიცხვებს შორის.

8 ნოემბერს ლოს ალამოსის არქივში გამოქვეყნდა ამსტერდამის უნივერსიტეტის პროფესორის Erik Verlinde-ს ახალი სტატია, რომელშიც ნაჩვენებია, რომ გრავიტაციის მის მოდელს შეუძლია ახსნას გალაქტიკებში ვარსკვლავების მოძრაობა ფარული მატერიის შემოყვანის გარეშე.

ჟურნალ Scientific Reports-ის ბოლო ნომერში ასტრონომების საერთაშორისო კოლაბორაციამ გამოაქვეყნა სამყაროს გაფართოების ანალიზი Iа ტიპის ზეახალი ვარსკვლავების ახალი მონაცემების გამოყენებით. კვლევის თანახმად სამყაროს აჩქარებული გაფართოება, რომლის აღმოჩენისთვის 5 წლის წინ ნობელის პრემია გაიცა, შესაძლოა მითი აღმოჩნდეს. ახალი შედეგები უკეთესად ეთანხმება სამყაროს ნულოვანი აჩქარებით გაფართოების მოდელს, რომელიც არ თხოულობს ბნელი ენერგიის შემოყვანას.

პარასკევს, 21 ოქტომბერს, ევროპულმა კოსმოსურმა სააგენტომ ოფიციალურად გამოაცხადა, რომ ევროპულ-რუსული მისიის დასაშვები მოდული Schiaparelli დიდი სიჩქარით დაეჯახა მარსის ზედაპირს და აფეთქდა.

მერილენდის უნივერსიტეტის ფიზიკოსებმა რამდენიმე ატომისგან შემდგარ არაწონასწორულ სისტემაში შექმნეს პირველი „დროის კრისტალი“. ობიექტი წარმოადგენს იტერბიუმის იონებისგან შექმნილ რგოლებს, რომლებიც გაციებისას გადადიან მინიმალურ ენერგეტიკულ მდგომარეობაში და იწყებენ ბრუნვას თავისი ღერძის გარშემო დროის სიმეტრიის დარღვევის გამო.

2016 წლის ნობელის პრემია ფიზიკაში მიენიჭათ თეორიული კონდენსირებული გარემოს ფიზიკაში მომუშავე ამერიკელ ფიზიკოსებს დევიდ ტაულესს, დუნკან ჰალდეინს და ჯონ კოსტერლიცს მატერიის ტოპოლოგიური ფაზების და ტოპოლოგიური ფაზური გადასვლების აღმოჩენისთვის.

დღეს, 30 სექტემბერს, თბილისის დროით 14:40, ჩიურუმოვ-გერასიმენკოს კომეტასთან გეგმიური შეჯახებით ევროპულმა კოსმოსურმა სააგენტომ დაასრულა Rosetta-ს მისია.