ჟურნალებში Nature, Science Advances და Nature Materials გამოქვეყნებულ სტატიებში ამერიკელი ფიზიკოსების ჯგუფი გვამცნობს, რომ მათ შექმნეს ახალი ორგანზომილებიანი ნაერთები, რომლებშიც სიგნალების გადამტანებად გამოდიან არა ელექტრონები, როგორც ეს ტრადიციულ ტექნოლოგიაში ხდება, არამედ ე. წ. დირაკის და მაიორანას უმასო კვაზინაწილაკები, რომლებიც მასალაში გადაადგილდებიან სინათლის სიჩქარესთან მიახლოებული სიჩქარით.

კვლევაში გამოყენებული ნიმუშები დაახლოებით ორი ატომის სისქისაა, ხოლო მათი სიგრძე და სიგანე მიკრონების რიგისაა. ლაბორატორია, სადაც მიმდინარეობდა კვლევები, აღჭურვილია თანამედროვე ოპტიკურ-ბოჭკოვანი ინტერფერომეტრით, რომელიც ყველაზე მგრნობიარე მაგნიტური მიკროსკოპია მსოფლიოში. ამ ხელსაწყოთი ზუსტადაა შესაძლებელი ოპტიკური მეთოდით ნივთიერების მაგნიტური თვისებების შესწავლა.

24 აპრილს Nature-ში გამოქვეყნებულ სტატიაში მოცემულია კვლევის შედეგები, რომლისთვისაც გამოიყენეს მინუს 387 ფარენჰეიტ (-233 გრადუსი ცელსიუსით) ტემპერატურამდე გაციებული ქრომ-გერმანიუმის ტელურიდი (CGT). CGT ფენა არის გრაფენის - ატომური ნახშირბადის ფენის ანალოგი. აქამდე სწორედ გრაფენი ითვლებოდა სილიკონის პოტენციურ ჩამნაცვლებლად მომავლის კომპიუტერებსა და სხვა დანადგარებში, რადგან მის ძალიან თხელ ფენებში ელექტრული სიგნალები დიდი სიჩქარით ვრცელდება. CGT-ს გრაფენთან შედარებით ის უპირატესობა აქვს, რომ მას გააჩნია როგორც ელექტრული ისე მაგნიტური თვისებები (გრაფენს მაგნიტური თვისებები არ გააჩნია). ეს იმითაა კარგი, რომ ზოგიერთ კომპიუტერის შემადგენელი ნაწილი, როგორიცაა მეხსიერების სისტემები, სწორედ ასეთი ტიპის ნივთიერებებისგან მზადდება.

ეხლა მნიშვნელოვანია მოიძებნოს ასეთი ტიპის ორგანზომილებიანი ნაერთები, რომლთა გამოყენება შესაძლებელი იქნება შედარებით მაღალ ტემპერატურებზე. 2012 წელს ჯგუფმა უკვე ჩაატარა კვლევა სამარიუმის (ლანთანოიდი) ჰექსაბორიდზე, რომელიც შიგნიდან იზოლატორია მაგრამ ატარებს სიგნალებს ზედაპირზე. ბოლოდროინდელმა კვლევებმა აჩვენა, რომ ამ ნივთიერების სტაბილური ორგანზომილებიანი მოდელი შესაძლებელია მივიღოთ მინუს 27 ფარენჰეიტ (-32 გრადუსი ცელსიუსით) ტემპერატურაზე. ეს შედეგი დიდი წინ გადადგმული ნაბიჯია, რამეთუ მისი გამოყენებით შესაძლებელია კვანტური კომპიუტერის განვითარება ოთახის ტემპერატურაზე.

წყარო:

http://sciencenewspage.blogspot.com/2017/04/physicists-design-2-d-materials-that.html