ჩვენ არ შეგვიძლია განვსაზღვროთ სატურნის ბირთვის ბრუნვის სიჩქარე პლანეტის ატმოსფეროს ზედა ფენებში არსებულ ღრუბლებზე დაკვირვებით. მაგრამ მის რგოლებში აღმოჩენილი ტალღები (ripples) ხსნის თუ რამდენად სიჩქარით ბრუნავს პლანეტა: მისი დღე-ღამე შეადგენს 10 საათს, 33 წუთსა და 38 წამს.

1993 წელს ასტრონომებმა Mark Marley და Carolyn Porco ივარაუდეს, რომ სატურნის სეისმურმა აქტივობამ შეუძლია შეცვალოს პლანეტის გრავიტაციას, რაც საკმარისია იმისთვის, რომ გამოიწვიოს მისი რგოლების შეშფოთება. 2004 წლიდან Cassini-ს მისიამ გადმოგვცა ამ იდეის შემოწმებისთვის საკმარისად ხარისხიანი სატურნის რგოლების სურათები. მოყვანილ Cassini-ს ერთ-ერთ სურათზე კარგად ჩანს სიმკვრივის ტალღები სატურნის რგოლებში. C რგოლზე დაკვირვებისას აღმოჩნდა, რომ სატურნის ბირთვის გრავიტაციული ზემოქმედებით გამოწვეული შეშფოთების ტალღების სიჩქარე აჭარბებდა რგოლების ბრუნვის საშუალო სიჩქარეს. სიჩქარეების ეს სხვაობა შეიძლება გამოყენებულ იქნას იმის გასარკვევად, თუ რა სიჩქარით ბრუნავს პლანეტის ბირთვი. ეს სიჩქარე ადრინდელ შეფასებებთან შედარებით უფრო მაღალი აღმოჩნდა. სატურნის რადიუსი 58,000 კილომეტრია, დაახლოებით დედამიწისაზე 9-ჯერ მეტი, მაგრამ მისი დღე-ღამის ხანგრძლივობა დედამიწისას 2-ჯერ მეტად ჩამოუვარდება.

სატურნის ბირთვის ბრუნვის სიჩქარის ცოდნა შესაძლოა დაეხმაროს მეცნიერებს პლანეტის სტრუქტურის გარკვევაში. ასტრონომები ფიქრობენ, რომ სატურნს აქვს მყარი ბირთვი, რომლის მასაც დედამიწის მასას 15-ჯერ აღემატება და ის დაფარულია სხვადასხვა ფაზის თხევადი წყალბადის ფენებით. პლანეტას შესაძლოა ჰქონდეს ფენოვანი სტრუქტურა და თითოეული ფენა ბრუნავდეს სხვადასხვა სიჩქარით.

წყარო:
https://www.sciencenews.org/article/ring-ripples-reveal-how-long-day-lasts-saturn