7 ოქტომბერს შვედეთის სამეფო აკადემიამ გამოაცხადა, რომ 2014 წლის ნობელის პრემიის ლაურიატები ფიზიკაში გახდნენ იაპონელი მეცნიერები Isamu Akasaki, Hiroshi Amano და Shuji Nakamura ცისფერი ფოტო-დიოდების შექმნისათვის.

2014 წლის 29 სექტემბერს ბირთვული კვლევების ევროპულ ორგანიზაციას (CERN) 60 წელი შეუსრულდა.

15 სექტემბერს NASA-მ თავის ვებ გვერდზე 'დღის ასტრონომიული ფოტოს' რუბრიკაში კოსმოსურ ზონდ Rosetta-ს მიერ გადაღებული Churyumov-Gerasimenko-ს კომეტის ახალი ფოტო გამოაქვეყნა. სურათზე, რომელიც კომეტიდან 62 კილომეტრიდანაა გადაღებული, ჩვენ ვხედავთ კომეტის მუქ ზედაპირს. სპეციალისტებმა უკვე აირჩიეს დასაშვები მოდული Philae-ს დასმის ოპტიმალური ადგილი.

კოსმოსურ ზონდ Rosetta-ს 11 ივლისს გადაღებულ სურათზე კარგად გამოჩნდა, რომ ჩურუიმოვ-გერასიმენკოს კომეტას (67P/CG), რომელსაც ზონდი ნოემბერში უნდა მიუახლოვდეს და მის ზედაპირზე მოდული Philae დასვას, იმაზე უფრო რთული ფორმა აქვს ვიდრე ეგონათ.

11 ივნისს გამოქვეყნებული კვლევების თანახმად სტანდარტული კოსმოლოგიური მოდელის ფარგლებში ვერ ხერხდება ირმის ნახტომის და ანდრომედას თანამგზავრი ჯუჯა გალაქტიკების მოძრაობის აღწერა.

Nature-ის ივნისის ნომერში მეცნიერთა საერთაშორისო კოლაბორაცია EXO-200 გამოაქვეყნა თავიანთი პირველი ორი წლის მონაცემები, რომელთა თანახმადაც მათ ვერ შეძლეს ექსპერიმენტულად დაედასტურებინათ თეორიული ვარაუდი მაიორანას ნეიტრინოს არსებობის შესახებ.

ჟურნალ Nature-ის მაისის ნომერში გამოქვეყნებული სტატიის თანახმად ეჭვქვეშ დგება ანტარქტიდაში განთავსებული ობსერვატორია BICEP2-ის მარტში გამოქვეყნებული სენსაციური შედეგე რელიქტური გრავიტაციული ტალღების აღმოჩენის შესახებ.

ასტრონომების საერთაშორისო კოლაბორაციამ აღმოაჩინა ანომალია ზემასიური შავი ხვრელების კლასტერების კუთხურ განაწილებაში.

12 მაისს გამოქვეყნებული პრეს-რელიზის თანახმად დარმშტატში (გერმანია) განლაგებულ მძიმე იონების შემსწავლელ საერთაშორისო ცენტრში HADES ვერ აღმაჩენეს ე.წ. U-ბოზონების კვალი. U-ბოზონი (მძიმე ფოტონი) აქამდე განიხილებოდა სამყაროში არსებული ბნელი მატერიის ერთ-ერთ პერსპექტიულ კანდიდატად.

CERN-ის დიდ ადრონულ კოლაიდერზე მომუშავე LHCb კოლაბორაციამ ა. წ. 9 აპრილს გამოაცხადა 4 კვარკისგან შემდგარი ეგზოტიკური ნაწილაკის, Z(4430)-ის არსებობის შესახებ. ეს პირველი ტეტრაკვარკია რომლის არსებობა ამჟამად დადასტურებულია ექსპერიმენტულად.