სიახლეები
წინასწარი, არაოფიციალური ინფორმაციის თანახმად CERN-ის დიდ ადრონულ კოლაიდერზე (LHC) აღმოაჩინეს დაახლოებით 700 GeV მასის სკალარული ნაწილაკის ორ გამა კვანტად დაშლის რეაქცია. ეს შესაძლოა ნიშნავდეს ნაწილაკების სტანდარტული მოდელის სუპერსიმეტრიული გაფართოების მიხედვით ნაწინასწარმეტყველევი მეორე ჰიგსის ბოზონის აღმოჩენას.
ჩილეში განთავსებული მილიმეტრული რადიოტელესკოპების სისტემის (ALMA) მონაცემებზე დაყრდნობით ასტრონომების ჯგუფმა განაცხადა მზის სისტემის ახალი დიდი ზომის ობიექტის შესაძლო აღმოჩენის შესახებ.
Nature-ს დეკემბრის ნომერში გამოქვეყნებულ სტატიაში ჰარვარდის უნივერსიტეტის მკვლევარები აღწერენ კვანტური შეჭიდულობის ენტროპიის გაზომვის მეთოდს მრავალ-ნაწილაკოვანი სისტემებისთვის.
NASA-ს ვებ გვერდზე გამოქვეყნდა კუიპერის სარტყელში არსებული ჯუჯა პლანეტების პლუტონის და ჰარონის საერთო ცენტრის გარშემო ბრუნვის ვიდეო რომელიც შედგენილია New Horizons-ის მისიის მიერ 2015 წლის 28 მაისიდან 16 ივნისამდე გადაღებული ფოტოების შეერთებით.
კოლაბორაცია STAR-მა (BNL) პირველად გაზომა ძლიერი ურთიერთქმედება ანტი-პროტონებს შორის. Nature-ის 2015 წლის ნოემბრის ნომერში კოლაბორაციის მიერ გამოქვეყნებული სტატიის თანახმად ანტიმატერიის ამ ნაწილაკებისთვის მიღებული შედეგები არ განსხვავდება მატერიის (პროტონების) ანალოგიური მონაცემებისგან.
6 ოქტომბერს გამოცხადდა, რომ 2015 წლის ნობელის პრემია ფიზიკის დარგში გაინაწილეს Takaaki Kajita-მ (იაპონია) და Arthur B. McDonald-მა (კანადა) ნეიტრინოების ოსცილაციის აღმოჩენისთვის, რაც აჩვენებს, რომ ამ ნაწილაკებს მასა გააჩნიათ.
NASA-მ შეაჯამა კოსმოსური ზონდის New Horizons მისიის ძირითადი შედეგები, რომელმაც ცხრა წლის ფრენის შემდეგ 14 ივლისს მიაღწია კუიპერის სარტყელში მდებარე ჯუჯა პლანეტა პლუტონს (მზის სიტემის ყოფილი ბოლო, მეცხრე პლანეტა). 17 ივლისს გამოაქვეყნდა ვიდეო, რომელზეც ასახულია ზონდის პლუტონის ზედაპირთან ფრენის კადრები.
ციფრული მიწისზედა და თანამგზავრული სიგნალი ერთ სეტ-ტოპ ბოქსზე მისაღებად საჭიროა უნივერსალური ე.წ. COMBO მიმღები.
2015 წლის 11 ივნისს საერთაშორისო კოსმოსური სადგურიდან დედამიწაზე ერთთვიანი დაგვიანებით დაბრუნდა 43-ე ექსპედიციის სამი წევრი.
2015 წლის 10 ივნისს გამოქვეყნდა კოსმოსური ტელესკოპის Hubble ახალი სურათი, რომელზეც გამოსახულია ჩვენ ადგილობრივ გალაქტიკურ ჯგუფთან ყველაზე ახლოს მყოფი განმარტოებული გალაქტიკა NGC 6503, რომელიც არც ერთ ჯგუფსა თუ კლასტერში არაა გაერთიანებული.