კოლაბორაცია STAR-მა Nature-ის 2015 წლის ნოემბრის ნომერში გამოაქვეყნა ანტი-პროტონების ურთიერთქმედებების ექსპერიმენტული კვლევის მონაცემები. ექსპერიმენტების ჩატარების ადგილი იყო Brookhaven National Laboratory (აშშ). მძიმე იონების რელატივისტურ კოლაიდერზე  (RHIC) ხდებოდა ოქროს ულტრა-რელატივისტური იონების შეჯახებისას დაბადებული ანტი-პროტონების ნაკადის პარამეტრების შესწავლა. მეცნიერები ცდილობდნენ ეპოვათ განსხვავება ანტი-პროტონებს შორის და პროტონებს შორის მომქმედი ძლიერი ურთიერთქმედების ინტენსივობებს შორის სამყაროში არსებული ბარიონული ასიმეტრიის ახსნის მიზნით. პროტონებისა და ანტი-პროტონებისთვის ყველა პარამეტრი ერთნაირი აღმოჩნდა. რაც იმაზე მიგვითითებს, რომ ბარიონული ასიმეტრიის ასახსნელად საჭიროა სხვა მეთოდების გამოყენება, ან ანტიმატერიის სხვა ატომების შესწავლა.

წყარო:

http://www.nature.com/nature/journal/vaop/ncurrent/full/nature15724.html