სიახლეები
2023 წლის 29 ივნისს, ჟურნალმა Astrophys. J. Lett., გამოაქვეყნა NANOGrav კოლაბორაციის სტატია, სადაც ასტრონომები აცხადებენ, რომ პირველად აღმოაჩინეს სამყაროში დაბალი სიხშირის გრავიტაციული ტალღების ხმაურის არსებობის საიმედო ნიშნები. ამისათვის მათ გააანალიზეს ირმის ნახტომის 67 რადიო პულსარზე 15 წლის დაკვირვების მონაცემები.
ჟურნალმა Proceedings of the National Academy of Sciences, 2023 წლის მაისის ნომერში გამოაქვეყნა სტატია, რომლის თანახმადაც, ვენის ტექნიკური უნივერსიტეტში მეცნიერების საერთაშორისო ჯგუფმა შეძლო სიმულატორის დახმარებით შეექმნა კვანტური სისტემა, რომელშიც გრავიტაციული ლინზირების ანალოგიური ეფექტის დაკვირვებაა შესაძლებელი.
2023 წლის მარტის ნომერში ჟურნალმა Journal of High Energy Physics გამოაქვეყნა პოლონეთის მეცნიერებათა აკადემიის ბირთვული ფიზიკის ინსტიტუტის მკვლევრების სტატია, სადაც შესწავლილია შესაძლებლობა, რომ მომავლის ლეპტონურ მულტი-ტევ ენერგიების კოლაიდერზე მოხდება ე. წ. ფარულის სექტორის ნაწილაკების დამზერა.
ჟურნალმა Proceedings of the National Academy of Sciences აპრილის ნომერში გამოაქვეყნა მეცნიერების საერთაშორისო ჯგუფის სტატია, სადაც მოყვანილია მარსის ბირთვის ახალი მოდელი, რომელიც მიღებულია InSight (NASA) მისიის სეისმოგრაფის მონაცემების ანალიზით. ახალი მოდელის თანახმად, მარსის თხევადი ბირთვი შედგება გამდნარი რკინისგან, დიდი რაოდენობის გოგირდისგან და მცირე რაოდენობით, ჟანგბადისგან, ნახშირბადისა და წყალბადისგან.
2023 წლის 22 თებერვალს, ჟურნალმა Physical Review Letters გამოაქვეყნა დასავლეთ ვირჯინიის უნივერსიტეტის ფიზიკოსების სტატია, სადაც მიღწეულია გარღვევა თერმოდინამიკის პირველი კანონის გამოყენების შეზღუდვაში, მოცემულია ამ კანონის გამოყენების მოდელი არაწონასწორული პლაზმისთვის.
6 მარტს ჟურნალში Physics Letters B გამოქვეყნდა ბრიტანელი და ამერიკელი ფიზიკოს-თეორეტიკოსების სტატია, სადაც შემოთავაზებულია ახალი იდეა თუ როგორ გადაიჭრას ჰოკინგის ერთ-ერთი ყველაზე ცნობილი პარადოქსი შავი ხვრელების მიერ ინფორმაციის წაშლის შესახებ. მათი კვლევის თანახმად, ინფორმაცია შავ ხვრელში მოხვედრილი მატერიის შესახებ შეიძლება იმალებოდეს შავი ხვრელების ირგვლივ არსებულ გამოსხივებაში (რომელიც ცნობილია როგორც "კვანტური თმა") და პრინციპში შეიძლება წაკითხული იქნას.
2022 წლის სექტემბერის ნომერში, ჟურნალმა Nature Communications გამოაქვეყნა იაპინელი მეცნიერების სტატია, სადაც ნათქვამია, რომ მათ შეძლეს ერთმანეთთან დაეკავშირებინათ ორი შორეული სილიკონის სპინ-კუბიტი, რაც მნიშვნელოვანი ნაბიჯია კვანტური კომპიუტერების განვითარების გზაზე.
2023 წლის 24 მარტს, მორიონის 57-ე კონფერენციაზე, ATLAS და CMS კოლაბორაციებმა დაადასტურეს CERN-ში განთავსებულ დიდ ადრონული კოლაიდერზე ოთხი ტოპ კვარკის ერთდროული დაბადების იშვიათი მოვლენის დამზერა.
LHCb კოლაბორაციამ გამოაქვეყნეს დიდ ადრონულ კოლაიდერზე მიღებული ლეპტონური უნივერსალურობის პრინციპის მონაცემთა დამუშავების ახალი ეტაპის შედეგები. მეცნიერებმა გაზარდეს მონაცემთა მოცულობა, გამოასწორეს დამუშავების შეცდომები და განაცხადეს, რომ გაქრა ნაწილაკების სტანდარტული მოდელიდან სამ სიგმაზე მეტი გადახრა, რომელიც მათ კვლევების წინა ეტაპზე აღმოაჩინეს.
13 დეკემბერს აშშ-ს ენერგეტიკის დეპარტამენტმა და ბირთვული უსაფრთხოების ეროვნულმა ადმინისტრაციამ გამოაცხადეს, რომ ლოურენს ლივერმორის ეროვნულ ლაბორატორიაში 5 დეკემბერს ჩატარებული ექსპერიმენტისას გადაილახა თერმობირთვული ენერგეტიკის დიდი ხნის ნანატრი ეტაპი - პირველად შერწყმის რეაქციამ უფრო მეტი ენერგია გამოიმუშავა, ვიდრე მის განსახორციელებლად იყო დახარჯული. მკვლევარები იმედოვნებენ, რომ მომავალში მსგავსი პრინციპით მიღებული ენერგია ჩაანაცვლებს წიაღისეულ საწვავს და ენერგიის სხვა წყაროებს. თუმცა ენერგიის ზრდა ჯერჯერობით მიღწეულია მხოლოდ მოკლე დროის განმავლობაში. ექსპერტების აზრით, თერმობირთვულ საწვავზე მომუშავე რეალური რეაქტორის შექმნამდე ჯერ კიდევ ძალიან დიდი გზაა გასავლელი.