2025 წლის მარტში, ამერიკის ფიზიკური საზოგადოების ყოველწლიურ შეხვედრაზე, ატაკამას კოსმოლოგიური ტელესკოპის კოლაბორაციამ წარადგინა რელიქტური მიკროტალღური ფონის შესახებ მათი მონაცემების ანალიზის საბოლოო შედეგები. მონაცემები თანხვედრაშია სტანდარტულ კოსმოლოგიურ მოდელთან და გამორიცხავს ზოგიერთ ალტერნატიულ მიდგომას.

2025 წლის მარტში Research Notes of the American Astronomical Society პლატფორმაზე გამოქვეყნდა ასტრონომების საერთაშორისო ჯგუფის წინასწარი შედეგები იმის შესახებ, რომ მათ აღმოაჩინეს სატურნის კიდევ 128 მთვარე. სატურნის დადასტურებული თანამგზავრების რაოდენობა ამჟამად თითქმის ორჯერ აჭარბებს მზის სისტემის ყველა სხვა პლანეტის მთვარეების რიცხვს ჯამურად.

2025 წლის 20 მარტს ჟურნალ Nature-ში გამოქვეყნებული KM3NeT კოლაბორაციის მორიგი სტატია, რომელიც მათ მიერ აღმოჩენილი რეკორდული ენერგიის ნეიტრინოს შესაბამისი სიგნალის პარამეტრების დაზუსტებას ეხება.

2025 წლის 19 მარტს ჟურნალმა Physical Review Research გამოაქვეყნა პრინსტონის უნივერსიტეტის ფიზიკოსრბის სტატია, სადაც აღწერილია ექსპერიმენტი რომელიც შესაძლოა ადასტურებს მათ მიერ ადრე გამოთქმულ მოსაზრებას, რომ სპეციალურ მოწყობილობით, რომელიც ურთიერთქმედებს დედამიწის მაგნიტურ ველთან, შესაძლებელია ელექტროენერგიის მიღება დედამიწის ბრუნვითი ენერგიის გამოყენებით.

2024 წლის 19 დეკემბერს ჟურნალმა Monthly Notices of the Royal Astronomical Society: Letters გამოაქვეყნა ახალი ზელანდიელი მეცნიერების სტატია, სადაც მოყვანილია ზეახალ ვარსკვლავებზე დაკვირვებებით სამყაროს გაფართოების ანალიზი. შესწავლილი 1,500-ზე მეტი ზეახალის მონაცემები აჩვენებს, რომ სივრცე არაერთგვაროვნად ფართოვდება და შესაბამისი მოდელი არ საჭიროებს ბნელი ენერგიის შემოყვანას, რაც წინააღმდეგობაშია სტანდარტულ კოსმოლოგიურ მოდელთან.

გამოქვეყნდა NASA-ს მისა Juno-ს მიერ გამოგზავნილი იუპიტერის ატმოსფეროს ახალი ფოტოები, რომელიც 2024 წლის 23 ოქტომბერსაა გადაღებული ზონდის გაზურ გიგანტთან 66-ე დაახლოების დროს.

8 ოქტომბერს ნობელის კომიტეტმა გამოაცხადა, რომ 2024 წლის ნობელის პრემიის ლაურეატები ფიზიკაში გახდნენ John J. Hopfield (პრინსტონის უნივერსიტეტი, აშშ) და Geoffrey E. Hinton (ტორონტოს უნივერსიტეტი, კანადა) მათი წვლილისთვის ხელოვნური ნეირონული ქსელების გამოყენებით მანქანური სწავლების მეთოდების განვითარებაში შეტანილი წვლილისთვის. ლაურეატებმა გამოიყენეს ფიზიკური მეთოდები, რომლებიც თანამედროვე ხელოვნური ინტელექტის ტექნოლოგიის საფუძველს წარმოადგენს.

2024 წლის 11 სექტემბერს ჟურნალმა Nature Communications, გამოაქვეყნა დელფტის ტექნოლოგიური უნივერსიტეტის (ნიდერლანდები) ექსპერიმენტატორების სტატია, სადაც აღწერილია ტიტანის ბირთვის კონტროლირებადი მოძრაობა ატომის გარე შრის ელექტრონთან ურთიერთქმედებით. ასეთი ზუსტი მანიპულირება, ხსნის ახალ შესაძლებლობებს ბირთვში კვანტური ინფორმაციის შესანახად, რაც წარმოადგენს მნიშვნელოვან წინსვლას კვანტურ გამოთვლებში.

ჟურნალ The Astrophysical Journal Letters-ში 24 ივლისს გამოქვეყნებულ სტატიაში ჯონ ჰოპკინსის გამოყენებითი ფიზიკის ლაბორატორიის მკვლევარები გვამცნობენ არიელის (ურანის ერთ-ერთი მთვარე) ზედაპირ-ქვეშა თხევადი ოკეანეს შესაძლო აღმოჩენის შესახებ, რაც მას აქცევს სიცოცხლისთვის გამოსადეგ კიდევ ერთ ციურ სხეულად მზის სისტემაში.

ამერიკის ასტრონომიული საზოგადოების 244-ე შეხვედრაზე, რომელიც 9 - 13 ივნისის მიმდინარეობდა მედისონში (ვისკონსინის შტატი), ასტრონომების საერთაშორისო ჯგუფმა წარმოადგინა ბოლო 12 მილიარდი წლის განმავლობაში გალაქტიკების ცენტრებში არსებული შავი ხვრელების ზრდის მოდელირების შედეგები, რომელიც მათ მიიღეს რენტგენული დაკვირვებების მონაცემების გაერთიანებით გალაქტიკების შერწყმის კომპიუტერულ სიმულაციებთან.