წითელი წანაცვლება არის მასხივებელი წყაროს სპექტრულ ხაზში შემავალი ტალღების სიგრძის ზრდა (ხაზების წანაცვლება სპექტრის წითელი ნაწილისკენ) ეტალონური გამოსხივების წყაროს სპექტრთან შედარებით.

ეგზოპლანეტა, იგივე არამზეური პლანეტა, ეს არის სხვა ვარსკვლავის ირგვლივ მბრუნავი პლანეტა, მზის სისტემის გარეთ. ასეთი პლანეტების შუქი განსაკუთრებულად ძნელი შესამნევია მათი ვარსკვლავის გამოსხივების გამო, ხოლო თვით ვარსკვლავები მდებარეობენ მზისგან დიდი მანძილის მოშორებით (უახლოესი 4,22 სინათლის წლის დაშორებით).

ავრორა, იგივე პოლარული ციალი, არის ატმოსფეროში შემოჭრილი მაღალი ენერგიის მქონე დამუხტული ნაწილაკებით გამოწვეული ატმოსფეროს ზედა ფენების ნათება.

კვაზარები არიან ყველაზე ნათელი და ყველაზე დაშორებული ობიექტები სამყაროში. ადრეულ 1960-იან წლებში კვაზარებს უწოდებდნენ რადიო ვარსკვლავებს, რადგან ისინი არიან ძლიერი რადიოტალღების წყარო. ტერმინი ‘კვაზარი’ მოდის სიტყვებიდან „კვაზი-ვარსკვლავური რადიო წყარო“.

განზომილების ცნება ჩნდება იმის გამო, რომ ერთი და იგივე ერთეულთა სისტემაში სხვადასხვა ფიზიკური სიდიდეების რაოდენობრივი თანაფარდობა გამოხატული იყოს ერთი და იგივე ფორმულით, დამოუკიდებლად იმისა თუ რამდენად დიდია ძირითად ფიზიკურ სიდიდეთა ერთეულები. ამ მოთხოვნით განისაზღვრება ფიზიკურ სიდიდეთა „განზომილების ფორმულის“ საერთო სახე.