AR (დამატებული რეალობა) / VR (ვირტუალური რეალობა) სათვალეები ქმნიან ხიდს ციფრულ და ფიზიკურ სამყაროს შორის. VR საშუალებას გაძლევთ მიიღოთ ჩვეულებრივი ვიზუალური ინფორმაცია, ხოლო AR-ით მოწყობილობა გაწვდით ციფრულ ინფორმაციას. AR/VR სათვალეების ბაზარი მსოფლიოში ამჟამად დაახლოებით 20 მილიარდი დოლარია. მომხმარებლები ეძებენ კომპაქტურ და ადვილად სატარებელ სათვალეებს, რომლებიც უზრუნველყოფენ მაღალხარისხიან გამოსახულებებს და არ გამოიყურებიან როგორც "მწერების თვალები".

როჩესტერის უნივერსიტეტის (აშშ) მკვლევარების ბოლო სტატია, რომელიც 2021 წლის 30 აპრილს ჟურნალმა Science Advances გამოაქვეყნა, არის კიდევ ერთი წინგადადგმული ნაბიჯი ამ მიმართულებით. სტატია გვამცნობს მინიატურული გამოსახულების შემქმნელი ექსპერიმენტული მოწყობილობის შექმნის შესახებ, რომელშიც გამოყენებულია ნანო-ფოტონური ოპტიკური ელემენტების მესერი. სათვალის მინაზე ისინი ქმნიან ვერცხლისფერი, ნანო-სტრუქტურების ნამდვილი ტყეს - მეტაზედაპირს, რომელიც არ ემორჩილება კლასიკური ოპტიკის კანონებს. მეტაზედაპირი კრებს სათვალეში ყველა მიმართულებიდან შემავალ სინათლის სხივებს და მათ პირდაპირ ადამიანის თვალში აფოკუსირებს. მკვლევარები აცხადებენ, რომ მეტაზედაპირების ჩვეულებრივ ოპტიკასთან შერწყმით შესაძლებელია შეიქმნას AR/VR ყურსასმენების და სათვალის ახალი თაობა.

წყარო:

https://www.rochester.edu/newscenter/a-new-way-to-make-ar-vr-glasses-476742/