სიახლეები
ჟურნალ Proceedings of the National Academy of Sciences ივნისის ნომერში გამოქვეყნებულ სტატიაში, ცენტრალური ფლორიდის უნივერსიტეტის (UCF) მკვლევარი, პეპლის ფრთების შეუდარებელ ფერის მომცემი ბუნების ნანო-ტექნოლოგიის ანალოგიის გამოყენებით გვთავაზობს დაბალი სიმძლავრის და მაღალი გარჩევადობის ეკრანები შექმნის ტექნოლოგიას.
ახალი ტექნოლოგია საშუალებას იძლევა შეიქმნას ციფრული მონიტორები, რომლებიც გამოიყენებენ გარემო შუქს და უფრო ბუნებრივ სურათებს მოგვცემენ ახლანდელ მონიტორებთან შედარებით, რომლებიც იყენებს ეკრანის უკან მდებარე მაღალი ინტენსივობის მქონე ნათურებს.
„ეს იქნება ეკრანი, რომელიც ჰარმონიაში იქნება ბუნების ფერებთან და არ ასხივებს მაღალი-ინტენსივობის სინათლეს. ეს მნიშვნელოვანია რადგან, დიდი ხნის მანილზე ძლიერ განათებული ეკრანის ყურებამ შეიძლება გამოიწვიოს თვალების დაძაბულობა, თავის ტკივილი და სხვა ჯანმრთელობის პრობლემები.“ - ამბობს Debashis Chanda (UCF ნანო-ტექნოლოგიების მეცნიერების ცენტრი).
ახალი მექანიზმი ეყრდნობა ტექნოლოგიას, რომელიც გამოიყენება ბევრი ცხოველის მიერ, როგორებიცაა მაგალითად პეპლები, რვაფეხები, თუთიყუშები, მაკაკები და ხოჭოები. ფერების მისაღებად ამ ცხოველების სხეულებზე არსებული ნანო-სტრუქტურებზე სპეციფიკურად აბნევენ და ირეკლავენ დაცემულ სინათლეს.
ასეთი სახით მიღებული სინათლე განსხვავდება პიგმენტებით და საღებავებით მიღებული ფერებისგან, რომლების ატომებიც დაცემული სინათლის ნაწილს შთაინთქამენ ხოლო დანარჩენ ირეკლავენ.
„ცხოველების ზოგიერთი ცილის მოლეკულებს არ გააჩნიათ საკუთარი ფერი, თუმცა თუ მათ დავალაგებთ სწორი წყობით, შესაძლებელია მივიღოთ ნებისმიერი ტონი. პეპელა უბრალოდ ირეკლავს მასზე დაცემულ სინათლეს ისე, რომ ქმნის მოცემულ ფერს, რაიმე ნაწილის შთანთქმის გარეშე.“ - ამბობს Chanda.
პლაზმური ფერადი დისფლეის (plasmonic color displays) ტექნოლოგიას შეუძლია მოგვცეს სხვადასხვა ფერი ეკრანის შიგნით განლაგებული მეტალის ნანო-სტრუქტურების ზომის, ფორმისა და თანმიმდევრობის ვარირების მეშვეობით. თუმცა ამ ტექნოლოგიას ჰქონდა პრობლემები, ფერის შენარჩუნება არ ხდებოდა სხვადასხვა კუთხიდან დაკვირვებისას და ვერ ხერხდებოდა შავი ფერის მიღება. მიუხედავად ამისა, წინა კვლევებზე დაყრდნობით Chanda-ს ჯგუფმა შეძლო გადაელახა ეს პრობლემები, მათ შეიმუშავეს ნანო-სტრუქტურების ისეთი დიზაინი რომლის შემთხვევაშიც ფერი არ იქნებოდა დაკვირვების კუთხეზე დამოკიდებული.
„ჩვენ აღმოვაჩინეთ ტექნიკა, სადაც ნანო-ნაწილაკებს შეუძლიათ თვით-დალაგება კვაზი-შემთხვევით თანმიმდევრობით და კონტროლირებადი პროცესით შეგვიძლია მივიღოთ სასურველი ფერი მხოლოდ ნაწილაკის ზომის ცვლილებით. მაშინ როცა ტრადიციული მეთოდის დროს სხვადასხვა ფერის მისაღებად საჭიროა განსხვავებული პიგმენტების გამოყენება“ - ამბობს Chanda.
Chanda-ს მეთოდში ფერის ცვლილების კონტროლის საშუალებას იძლევა დალექვის სიჩქარე, წნევა და ტემპერატურა, რომლებიც განსაზღვრავენ ნანო-სტრუქტურების დიზაინსა და ზომას.
„შავ ფერს სხვა მიდგომა სჭირდება, ნანო-სტრუქტურის ზედაპირიდან არეკლილი სინათლე იბლოკება თხევადი კრისტალის ფენით, კონტროლირებადი ხერხით, შედეგად კი მიიღება შავი და ნაცრისფერი ფერები.“ - ამატებს Chanda.
მკვლევარების აზრით, ჯერ კიდევ დიდი დროა საჭირო ახალი ტექნოლოგიის მასიურად გამოყენებამდე, თუმცა მათი შედეგები წარმოადგენს მნიშვნელოვან ნაბიჯს ამ მიმართულებით.
წყარო:
