მარსმავალი Curiosity (NASA) არის ბოლო აპარატი რომელიც მარსზე დაეშვა. იგი მარსის ზედაპირს იკვლევს 2012 წელიდან და უკვე გადააჭარბა მისიით დაგეგმილ ექსპლოატაციის ვადას (თუმცა Opportunity-სრეკორდამდე ჯერ შორია).

დედამიწიდან მარსზე აპარატის მართვა საკმაოდ რთულ ამოცანას წარმოადგენს, თუმცა, ლოს-ალამოსის ეროვნული ლაბორატორიის მეცნიერებმა მაინც მოახერხეს და მარსმავლის კომპიუტერული უზრუნველყოფა, კერძოდ, ინსტრუმენტთა კომპლექსის - ChemCam-ის პროგრამა განაახლეს. ეს კომპლექსი შეიცავს ორ ინსტრუმენტს - ლაზერულ სპექტრომეტრსა და Remote Micro Imager-ს, რომლებსაც შეუძლიათ 10 მეტრამდე მანძილზე ძალიან პატარა ობიექტების დისტანციური ანალიზი. ახალმა პროგრამულმა პაკეტმა გამოასწორა პრობლემები, რომელიც მარსმავალს ჰქონდა ლაზერული კომპლექსის ავტოფოკუსირებისას. აღსანიშნავია, რომ პროგრამის ახალი ვერსის ფაილის ზომა მხოლოდ 40 კბ-ა, თუმცა არ უნდა დაგვავიწყდეს, რომ ამჟამად მანძილი მარსსა და დედამიწას შორის  თითქმის მაქსიმალურია (დაახლოებით 400 მილიონი კილომეტრი).

წყარო:

https://lanl.gov/...vision.php