კვანტური სუპერპოზიცია, როცა სისტემის დამახასიათებელი სხვადასხვა პარამეტრი (მაგალითად მდებარეობა ან ენერგია) შესაძლებელია ერთდროულად რამოდენიმე მდგომარეობაში არსებობდეს და კვანტური გადაჯაჭვულობა, ეფექტი როცა ობიექტების მდგომარეობები სინქრონიზებულია ნებისმიერ მანძილზე, ვლინდება მხოლოდ ნაწილაკების დონეზე. ყველაზე დიდი ობიექტი, რომელის კვანტური თვისებებია შესწავლილი ამჟამად არის დაახლოებით 800 ატომისგან შემდგარი მოლეკულები. კვანტურ ეფექტებს რომ დავაკვირდეთ საჭიროა გამოირიცხოს სითბური მოვლენებით გამოწვეული შეშფოთებები, ანუ ობიექტი მოთავსდეს ვაკუუმში და გაცივდეს თითქმის აბსოლუტურ ნულამდე.

ლონდონის საუნივერსიტეტო კოლეჯის (University College London, UCL) მკვლევარები ცდილობენ კვანტური თვისებები დაიმზირონ მილიარდობით ატომებისგან შემდგარი ობიექტებისთვის. თავის ექსპერიმენტებში მეცნიერები დაახლოებით 400 ნმ ზომის მინის ბურთულებს ელექტრული ველის საშუალებით ათავსებდნენ ვაკუუმური კამერის ცენტრში, სადაც მათ მოძრაობებს აფიქსირებდა (ანუ ბურთულებს აცივებდა) სპეციალური ტიპის ლაზერის სხივები. მეცნიერების აზრით მოხერხდა მინის ბურთულების პირველი კვანტური გამოვლინებების დამზერა. თუმცა მკაფი ეფექტის მისაღებად საჭიროა ტემპერატურის კიდევ რამდენიმე გრადუსით დაწევა, რის გაკეთებასაც მეცნიერები უახლოეს მომავალში აპირებენ ახალი სარკეების და ზემგრძნობიარე მოძრაობის დეტექტორების გამოყენებით.

ნაწილაკები, რომელიც გამოყენებულ იქნა აღნიშნულ ექსპერიმენტში საკმარისად დიდი და მასიურია იმისთვის, რომ გაიზომოს მათზე გრავიტაციის ზემოქმედება. მაშინ, თუკი მოხერხდება ასეთი ნანო-ნაწილაკების კვანტურ მდგომარეობაში გადაყვანა, შესაძლებლობა გაჩნდება გამოგვეყენებინა ისინი როგორც ინსტრუმენტი კვანტურ მექანიკაში გრავიტაციის როლის შესასწავლად.

წყარო: