სიახლეები
იელის უნივერსიტეტის (აშშ) ასტრონომებმა აღმოაჩინეს „დაკარგული“ ეგზოპლანეტა. ის დაახლოებით ნეპტუნის ზომისაა და დედამიწიდან მიახლოებით 3,000 სინათლის წლითაა დაშორებული.
ამ ახალი პლანეტის (Kepler-150 f) სიგნალი მეცნიერებს შეუმჩნეველი დარჩათ ბოლო რამდენიმე წლის განმავლობაში. არსებობს სპეციალური კომპიუტერული ალგორითმები, რომლებიც ეძებენ ეგზოპლანეტებს ე. წ. ტრანზიტიული მეთოდით. ხანდახან არსებულ მოდელებს შესაძლოა რამე გამოეპაროთ, როგორც ეს Kepler-150 f შემთხვევაში მოხდა.
ვარსკვლავური სისტემა Kepler-150 შესწავლილი იქნა რამდენიმე წლის წინ და მაშინ ამ სისტემის ოთხი პლანეტა იქნა აღმოჩენილი - Kepler-150 b, c, d და e. Kepler-150 f მაშინ გამორჩათ მისი ძალზე გაწელილი ორბიტის გამო. საქმე ისაა, რომ იგი თავისი მზის გარშემო შემოვლას 637 დღეს ანდომებს, რაც ერთ-ერთი ყველაზე გრძელი ორბიტაა მცირე 4-5 პლანეტიანი სისტემებისთვის.
მეცნიერების თქმით, Kepler-150 f-ის აღმოსაჩენად მათ გამოიყენეს მოდელირების ახალი ტექნიკა და შემდეგ მთლიან სიგნალს გამოაკლეს უკვე ცნობილი პლანეტების ტრანზიტების შესაბამისი მონაცემები.
წყარო:
