სამხრეთ-დასავლეთ ჩინეთის გუიჯოუს პროვინციის მთებში მწყობრში ჩადგა მსოფლიოში ყველაზე დიდი რადიო ტელესკოპი FAST. მისი დიამეტრი შეადგენს 500 მეტრს, ზედაპირის ფართობი დაახლოებით 30 საფეხბურთო მოედნის ფართობს უტოლდება, ხოლო პერიმეტრი 1,6 კილომეტრია. აქამდე ყველაზე დიდად ითვლებოდა არესიბოს რადიო ტელესკოპი (პუერტო რიკო), რომლის დიამეტრი 300 მეტრია.

კვირას, 25 სექტემბერს, დასრულდა ტელესკოპის ზედაპირიდან 130 მეტრ სიმაღლეზე 30-ტონიანი სხივების შემკრების მონტაჟი, რომელიც ასევე აძლიერებს სიგნალს. ახალი ტელესკოპით შესაძლებელი იქნება ჩვენგან 11 მილიარდი სინათლის წლის მანძილით დაშორებულ ობიექტებზე დაკვირვება, ასევე დაგეგმილი ფარული მატერიის შესწავლა და არამიწიერი ცივილიზაციების სიგნალების ძიება. ასტრონომიული დათვლებისთვის FAST მიერთებული იქნება მსოფლიოს ერთ-ერთ ყველაზე მძლავრ კომპიუტერთან Sky Eye 1.

ტელესკოპის მშენებლობა დაიწყო 2011 წელს. მის გარშემო 5 კმ რადიუსიდან გადაასახლეს 9 000 ადამიანი, რომელთათვის შეიქმნა 2 ახალი დასახლება და აშენდა 600 სახლი, რაც 269 მილიონი დოლარი დაჯდა. თვითონ ტელესკოპის ღირებულებამ კი 180 მილიონი დოლარი შეადგინა.

წყარო:

http://www.space.com/33357-china-largest-radio-telescope-alien-life.html