სიახლეები
ვარსკვლავების სფერული გროვა NGC 6496 აღმოაჩინა 1826 წელს შოტლანდიელმა ასტრონომმა ჯეიმს დუნლოპმა. იგი მდებარეობს ჩვენგან დაახლოებით 35,000 სინათლის წლის მანძილზე სამხრეთ ნახევარსფეროს მორიელის თანავარსკვლავედში. NGC 6496, რომლის ასაკი დაახლოებით 10.5 მილიარდი წელია, შეიცავს უფრო მაღალი მეტალიზაციის ვარსკვლავებს (წყალბადსა და ჰელიუმზე მძიმე ელემენტებს ასტრონომიაში უწოდებენ მეტალებს) ვიდრე ანალოგიური გროვები. ამ მეტალებით მდიდარი ვარსკვლავების ნაწილი წარმოდგენილია ცვალებადი ვარსკვლავების სახით, როგორც გრძელი ისე მოკლე ვარიაციის პერიოდით. ცვალებადობის პერიოდების შესწავლამ შეუძლია მოგვცეს მნიშვნელოვანი ინფორმაცია ვარსკვლავების მასის, რადიუსის, ნათების, ტემპერატურის, შემადგენლობის და ევოლუციის შესახებ, რომელთა მიღება რთული ან შეუძლებელი იქნებოდა სხვა მეთოდებით.
