მზის მაგნიტური ველის შესასწავლად მეცნიერები იყენებდნენ იაპონური თანამგზავრის Hinode-ს ბორტზე დამონტაჟებულ ულტრაიისფერ სპექტრომეტრს. დაკვირვებები ხორციელდებოდა მზის პოლარულ კორონარულ ხვრელზე. ამ რეგიონში მაგნიტური ველის ძალწირები თითქმის მზის ზედაპირის მართობულია და ღრმად აღწევენ პლანეტათშორისო სივრცეში. აღმოჩნდა, რომ მაგნიტური ტალღები კორონარულ მასას ენერგიას გადასცემენ საკმაოდ დაბალ სიმაღლეზე იმისთვის, რომ სითბო მთელ გვირგვინში გადანაწილდეს.

კვლევის შედეგები გამოქვეყნებულია The Astrophysical Journal-ის ოქტომბრის ნომერში. ამ აღმოჩენამ შესაძლოა მოხსნას „მზის გვირგვინის გაცხელების პრობლემა“, რომელიც უკვე 70 წელია აწუხებთ მეცნიერებს.

http://www.sciencedaily.com/releases/2013/10/131015191614.htm