სიახლეები
მეცნიერების აზრით პლუტონის ყველაზე შორეული მთვარე ჰიდრა, რომელიც აღმოაჩინეს 2005 წლის ივნისში, დაახლოებით 4 მილიარდი წლის წინ წარმოიქმნა პლუტონთან და ჰარონთან (პლუტონის უდიდესი მთვარე) ერთად მასიური დაჯახების შედეგად.
მიუხედავად მისი დიდი ასაკისა, 65 კმ დიამეტრის ჰიდრა ძალიან სუფთა და კაშკაშად ჩანს New horizons-ის სურათებზე, რომელიც 2015 წლის ივლისში იქნა გადაღებული. როდესაც ახლახან ამ ხომალდიდან მიღებული ინფორმაციის ანალიზი მოხდა, მეცნიერებმა აღმოაჩინეს, რომ ჰიდრა ამართლებს თავის ლათინურ სახელს - მისი ზედაპირი დაფარულია სუფთა ყინულით და თითქმის არ დაიკვირვება მტვერი და სხვა მინარევები.
ჰიდრაზე აღმოჩნდა უფრო მეტი სუფთა ყინული ვიდრე პლუტონის ყველაზე დიდ მთვარეზე - ჰარონზე. ყინულის სპექტრალური ნიშანთვისებების შესწავლა მოხდა New horizons-ზე განთავსებული ხელსაწყოს LEISA -ს (Linear Etalon Imaging Spectral Array) მეშვეობით.
New horizons-ის ფოტოებით ასევე დადგინდა, რომ ჰიდრას აქვს არაწესიერი ფორმა (65×45×25 კმ), მის ზედაპირზე მდებარეობს მინიმუმ ორი შედარებით დიდი კრატერი და მისი ზედა რეგიონი უფრო მუქია ვიდრე ქვედა.
