NASA-ს კოსმოსურმა ხომალდმა Dawn, ივნისის დასაწყისში, 4,400 კმ მანძილიდან ახალი სურათები გადაუღო ჯუჯა პლანეტა ცერერას (Ceres). აქმდე ცნობილი იყო 23 მაისს 5,100 კმ მანძილიდან გადაღებული ფოტოები. უფრო მაღალი გარჩევადობის ახალ ფოტოებზე ასახულია ამ ობიექტის კრატერული ზედაპირი თავისი იდუმალი ნათელი ლაქებით. კაშკაშა ლაქები მდებარეობენ 90 კმ დიამეტრის კრატერში და შედგებიან მოკაშკაშე სხვადასხვა ზომის წერტილებისგან. ჯერჯერობით მეცნიერებს არა აქვთ ამ მოვლენის ზუსტი ახსნა. ამჟამად მთავარ კანდიდატად ითვლება ყინულის ანარეკლი, თუმცა მიიმდინარეობს ალტერნატიული მიზეზების ძიებაც. მალე გამოქვეყნდება ცერერას ახალი სურათები, რომლებიც გადაღებული იქნება უფრო ახლო მანძილიდან და სხვა კუთხით, რაც მეცნიერებს გაუადვილებს ნათელი ლაქების ფენომენის ახსნას.

წყარო:

http://www.jpl.nasa.gov/news/news.php?release=2015-198&rn=news.xml&rst=4619